Madani duniya

تعارفی تبصرہ   مصنفین صحاح ستہ  مولانا محمد ارقم رضا برکاتی ازہری    فاضل جامعہ احسن البرکات، مارہرہ مقدسہ ، مدیر : سہ ماہی القلم بِسْمِ اللهِ الرَّحْمٰنِ الرَّحِيْم قرآن کریم، دین کے جملہ گوشوں کا مصدر اول ہے۔ اور حدیث رسول(ﷺ)، مصدر ثانی۔ حدیث شریف کے بنا ،قرآن کریم، اسلام، اور احکام اسلام کو سمجھنا نا ممکن ہے۔ زمانۂ رسالت سے لے کر آج تک، مسلمانوں نے، حدیث شریف کی خدمت میں کلیدی کردار ادا کیا ہے۔ صحابۂ کرام، تابعین کرام، -رضوان اللہ علیہم اجمعین-، اور ان کے بعد ائمۂ کرام نے اپنی پوری پوری زندگیاں خدمتِ حدیث کے لیے وقف کر دیں۔ محدثین عظام میں چھ ہستیوں: (1) امام محمد بن اسماعیل بخاری (ت: ٢٣١ھ)،  (2) امام مسلم بن حجاج (ت: ٢٦١ھ) (3) امام ابو داؤد سجستانی (ت: ٢٧٥ھ)  (4) امام محمد بن عیسی ترمذی (ت: ٢٩٩ھ)،  (5) امام احمد بن شعیب نسائی (ت: ٣٠٣ھ)،  (6) امام ابن ماجہ قزوینی (ت: ٢٧٣ھ)؛ کو اور ان کی کتب ستہ: صحیح بخاری، صحیح مسلم، سنن ابو داؤد، سنن ترمذی، سنن نسائی، اور سنن ابن ماجہ کو سب سے زیادہ شہرت و مقبولیت ملی۔ حدیث شریف کے لیے یہ ...

ایک نئی کتاب دفاع صحابہ  مرتب :  مولانا فرحان المصطفیٰ نظامی مدنی ✍🏻تبصرہ نگار: عمران رضا عطاری مدنی (بنارس) ◉~ـــــــــــــــــــــــــــــــــــــــــــــــــ~◉           یوں تو صدیوں سے صحابہ کرام کی شان و عظمت میں کتابیں تصنیف ہوتی آرہی ہیں، ابتدائی ادوار میں احادیث کی مختلف کتب میں فضائل الصحابہ کے عنوان سے صحابہ کرام کے مجموعی اور انفرادی فضائل بیان ہوتے رہے، پھر علما نے مستقل صحابہ کرام کے فضائل میں لکھنا شروع کیا، جس میں امام احمد بن حنبل رحمۃ اللہ علیہ کی "فضائل الصحابہ" مشہور و معروف ہے، یوں سلسلہ چلتا رہا، ہر دور کی ضرورت و تقاضے کے مطابق صحابہ کی شان میں لکھا جاتا رہا، بالخصوص جس زمانہ میں روافض سیدنا صدیق اکبر رضی اللہ عنہ پر تبرا کرنے لگے تو علما نے ان کی شان میں بیان کردہ احادیث اور فضائل کو نہ صرف لوگوں میں زبانی بیان کیا بلکہ تحریری میدان میں بھی اس کے جلوے بکھیرے۔  جب حضرت مولی علی رضی اللہ عنہ کی شان میں چہ می گوئیاں کی گئیں تو ان کی شان میں کئی کتابیں معرض وجود میں آئیں، جب امیر معاویہ رضی اللہ عنہ کی ناموس پر حملہ ہونے لگا تو...

جرح و تعدیل کچھ ابتدائی باتیں   جرح و تعدیل کی تعریفات  جرح کا لغوی معنی زخمی کرنا ہے ۔ جب کہ اصطلاحی معنی ہے : وصف متى التحق بالراوي أو الشاهد سقط الاعتبار بقوله وبطل العمل به . ایسا وصف جو راوی یا شاہد (گواہ) کے ساتھ لاحق ہو تو اس کے قول کا اعتبار ساقط ہو جائے اور اس پر عمل باطل ۔  جرح کی یہ بھی تعریف کی گئی ہے : الطعن في الراوي بما يخل بعدالته أو ضبطه . راوی میں ایسا عیب بیان کرنا جو اس کی عدالت یا ضبط میں مخل ہو۔  (اکمال تہذیب الکمال، ج:۱، ص:۵)  تعدیل کا لغوی معنیٰ ترازو برابر کرنا ، تزکیہ کرنا ۔  جب کہ اصطلاحی معنی ہے : وصف متى التحق بالراوي أو الشاهد اعتبر قولهما و أخذ به . ایسا وصف جو جو راوی یا شاہد کو لاحق ہو تو ان کا قول معتبر ہو جائے یا اسے لے لیا جائے (یعنی اس پر عمل ہو)۔   (اکمال تہذیب الکمال، ج:۱، ص:۵) دوسری تعریف : تزكية الراوي والحكم عليه بأنه عدل أو ضابط . راوی کا تزکیہ (اس طرح تعریف) کرنا یا حکم لگانا کہ وہ عادل یا ضابط ہے۔   (منہج النقد ، ص:۹۲) جرح کا حکم : محدّثِ اشرفیہ علامہ صدر الوریٰ قادری مصباحی اپنی مشہور و مع...

امی و دقیقہ دانِ عالم بے سایہ و سائبان عالم عام کسی بندے کو جب ”اُمی“ کہا جاتا ہے تو اس کا مطلب یہ ہوتا ہے کہ اسے پڑھنا لکھنا نہیں آتا۔ لیکن ہمارے نبی ایسے ”اُمی“ ہیں جو معلِم ِکائنات ہیں۔ جس جس کو پڑھنا لکھنا یا علم کا ایک قطرہ بھی ملاتو حضور کے قدموں کا صدقہ ملا۔  شیخ عبد العزیز دباغ رحمۃ اللہ تعالی علیہ کے فرمان کا خلاصہ ہے کہ: حضور نبی کریم صلی اللہ علیہ وسلم نےرسم الخط اور لکھنے کے طور طریقے کسی انسان سے نہیں سیکھے بلکہ رب رحمن نے آپ کو سکھایا ہے۔اور نہ صرف لکھنا پڑھنا بلکہ وہ علوم عطا فرمائے جس کا کوئی انسان اندازہ بھی نہیں کر سکتا...۔( اَلرَّحْمٰنُۙ عَلَّمَ الْقُرْاٰنَؕ۔۔۔۔ رحمٰن نے اپنے محبوب کو قرآن سکھایا ۔)  اور حضور کی امت میں ہونے والے بعض اولیاء کو اللہ نے یہ شان عطا فرمائی ہے کہ وہ حضرت آدم علیہ السلام سے لے کر آج تک جتنی امتیں گزری ان سب امتوں کی زبانیں اور ان زبانوں کو لکھنے کا طرز بخوبی جانتے ہیں ۔ اور اولیاء کو یہ سب کچھ حضور کے نورکی برکت سے ملا ہے ۔  توجن کو نورِ نبی کا صدقہ ملے وہ تو تمام جہان کی زبانوں کا عالم بن جائے تو کیا اس نبی ...

تذکرۃ المصنفین ایک عظیم شاہکار  مؤلف : عمران رضا عطاری مدنی (بنارس) ✍🏻 مولانا فرحان المصطفٰے نظامی مدنی شعبہ اختصاص فی الحدیث جامعۃ المدینہ ناگپور  علم دوست افراد کی پہلی پسند ثابت ہونے والا عظیم شاہکار "تذکرۃ المصنفین" مطالعہ کی میزپر ہے ،جو اپنی گونا گوں خصوصیات کے ساتھ منفرد شناخت کا حامل ہے گویا درس و تدریس اور مطالعہ کے شائقین کے لیے نوید صبح لے کر نمودار ہوا ہے، چوں کہ قاری کے لیے کسی کتاب یا صاحب کتاب سے متعارف ہونا اتنا ہی ضروری ہے جتنا کتاب کے مضمون سے واقفیت ضروری ہے،بایں طور کہ قاری جس کتاب کو پڑھنے کا ارادہ رکھتا ہے اگر اس کتاب کے موضوعات اور مصنف کے حالات سے واقف ہو کر استفادہ کرےگا تو دلچسپی برقرا رہے گی اور اجنبیت کا شائبہ بھی نہیں ہوگا، مزید یہ کہ صاحبِ کتاب کے بارے میں جاننے سے ہمیں ان کا عقیدہ ،مسلک، طرز تعلیم و تعلم ،طریقۂ عبادت و ریاضت کا پتا چلے گا جس سے ہمارے دل میں ان کے لیے محبت پیدا ہوگی اور اور کتاب و صاحب کتاب کی برکتیں زندگی کا حصہ بنیں گی ۔ عرصہ دراز سے صاحبان درس و تدریس اس سوال کا جواب تلاش رہے تھے اور بڑی شدت سے اس امرکی...

کتاب : مصنفین صحاحِ ستہ اور کتب ستہ آسان اور سہل انداز میں صحاح ستہ کے مصنفین کی سیرت، ان کی دیگر کتب کے نام، مشہور اساتذہ و تلامذہ کا ذکر خیر ، ساتھ میں صحاح ستہ کا اسلوب و منہج ، شروحات و حواشی کے نام اور بہت کچھ  پیش لفظ : جس میں خاص کتب کے منہج و اسلوب جاننے کے فوائد اور روایت حدیث کے فضائل کا مختصر بیان ہے کتاب کے شروع میں شیخ الحدیث حضرت مولانا مفتی شفیق الرحمن مصباحی [نگران مجلس تعلیمی امور انڈیا] کے دعائیہ کلمات بھی مسطور ہیں  سیرتِ امام بخاری اور صحیح بخاری کا منہج و اسلوب صحیح بخاری کی شروحات و حواشی سیرتِ امام مسلم اور صحیح مسلم کا منہج و اسلوب صحیح مسلم کی شروحات و حواشی  سیرتِ امام ابو داؤد اور سنن ابی داؤد کا منہج و اسلوب سنن ابی داؤد کی شروحات و حواشی سیرتِ امام ترمذی اور سنن ترمذی کا منہج و اسلوب سنن ترمذی کی شروحات و حواشی سیرتِ امام نسائی اور سنن نسائی کا منہج و اسلوب سنن نسائی کی شروحات و حواشی سیرتِ امام ابن ماجہ اور سنن ابن ماجہ کا منہج و اسلوب سنن ابن ماجہ کی شروحات و حواشی کتاب کے آخر میں دو گراں قدر مضمامین بھی شامل ہیں :  کیا صحیح احادیث صرف...

کیا یہ حدیث ہے : حب الوطن من الایمان وطن سے محبت کرنے کے بارے میں جو حدیثیں وارد ہوئیں ہیں ان میں سے ایک حدیث مشہور "حب الوطن من الايمان “ بھی ہے، جس کا معنی ہے “وطن سے محبت ایمان کی علامت ہے”، بعض لوگ وطن سے محبت کرنے کے تعلق سے دلیل کے طور پر پیش کرتے ہیں ، کیا یہ حدیث ہے؟  جواب:  "حب الوطن من الإيمان "،جس کا معنی ہے" وطن کی محبت ایمان کی علامت ہے، وطن کی محبت ایمان کا حصہ ہے، کچھ لوگ وطن سے محبت کے متعلق اس جملے کو بطور حدیث ذکر کرتے ہیں،بلکہ بطور دلیل بھی پیش کرتے ہیں، اور حدیث کے طور پر یہ مشہور بھی ہے، لیکن محققین علما کے نزدیک یہ حدیث نہیں ہے، بلکہ موضوع(من گھڑت) ہے ۔ ہاں مفتی احمد خار نعیمی رحمۃ اللہ علیہ نے اسے صوفیا کے قول کے طور پر ذکر کیا ہے، جہاں وطن سے یا تو جنت مراد ہے یا مدینہ منورہ ۔  آئیے ! اس متعلق محققین علما کی رائے جانتے ہیں۔ اس حدیث کے متعلق  امام جلال الدین سیوطی رحمۃ اللہ علیہ لکھتے ہیں :حديث: «حُبُّ الْوَطَنِ مِنَ الإِيمَانِ» لم أقف عليه. ترجمہ : حدیث حب الوطن... پر میں واقف نہ ہوا۔ (الدرر المنتثرة في الأحاديث المشتهرة، ص:108، طبع : جامع...

کتاب معارف علم غیب  مرتّبہ : مولانا ارسلان احمد مصباحی (بنارسی) 16 ذو الحجہ 23 جون / بروز اتوار عزیز گرامی وقار مولانا ارسلان مصباحی (مدن پورہ) کے گھر بغرض ملاقات حاضر ہوئی ، مختلف ٹوپک پر تبادلۂ خیال ہوا ، اسی دوران موصوف نے اپنی تصنیف لطیف بنام `"معارف علم غیب"` عطا فرمائی ، یہ کتاب ہند کے مشہور اشاعتی مکتب صراط پبلیکیشنز [مراد آباد] سے شائع ہوئی ہے، کتاب کا سرِ ورک جہاں دیدہ زیب ہے وہیں کتاب کے صفحات ، فارمیٹنگ بھی بہترین انداز پر کی گئی ہے ، موصوف نے شروع میں کسی دوسرے موضوع پر لکھنے کا ارادہ کیا تھا مگر حضرت علامہ عبد المبین نعمانی مصباحی حفظہ اللہ نے عقائد پر کچھ لکھنے کا حکم دیا، چناں چہ کم وقت ہی میں علم غیب جیسے مشہور موضوع پر کتاب تیاری کرکے حضرت نعمانی صاحب کی بارگاہ میں بغرض تصحیح پیش کی ، حضرت نے محبت و شفقت کا اظہار کرتے ہوئے کتاب کی اول تا آخر تصحیح فرماکر تقریظ بھی عطا فرمائی ، ساتھ میں بدر الفقہا علامہ مفتی بدر عالم مصباحی [ پرنسپل : الجامعۃ الاشرفیہ مبارک پور ] نے بھی کتاب پر تقریظ عطا فرمائی ہے ۔ جس سے کتاب کی اہمیت کو مزید چار چاند لگ گئے ۔  کتاب اپنے موضو...

 *تخصص فی الحدیث ہی کیوں؟*                     *حافظ فرحان المصطفیٰ نظامی حنفی مدنی*                        *شعبة الإختصاص في الحديث ناگپور ہند*             عصر حاضر میں تخصصات     ( SPECIALIZATIONS) کی اہمیت و افادیت سے انکار ممکن ہی نہیں،بالخصوص علم حدیث میں تخصص کرنا وقت کی ضرورت ہے،آپ دیگر شعبہائے علوم فنون کا جائزہ لیں تو آپ کو فقہیات،اسلامیات، دینیات کے ماہرین نقاد کثیر تعداد میں مل جائیں گے لیکن علم حدیث کو آپ دیکھیں تو محسوس ہوگا کہ یہ علم وقت کے گزرنے کے ساتھ معدوم ہوتا جا رہا ہے۔           بہر حال ! جس قدر اسلاف نے تاریخ کے قرون اولٰی میں علم حدیث کی حفاظت و صیانت کے متعلق مختلف الانواع اور مختلف الجہات حصے پر کام کیا جس کا بیشتر حصہ متنوع عنوانات سے معنون ہو کر علومِ حدیثیہ کی صورت میں زندہ و تابندہ ہے لہٰذا اس کی تابندگی برقرار رکھنے کی خاطر اس میں تخصص لازمی ہے۔         ...

  کتب ضعفا اور ثقات پر ایک نظر  ائمہ حدیث میں سے بعض نے صرف ثقات پر کتاب لکھی ، بعض نے خاص ضعفا پر بعض نے ثقات و ضعفا دونوں پر جب کہ کئی محدثین نے خاص کتب کے رجال پر کتابیں لکھیں۔ ذیل میں تفصیل ملاحظہ فرمائیں : مصنف کتاب موضوع امام یحیی بن معین تاریخ ابن معین   امام ابو زرعہ رازی اسامی الضعفاء ضعفا امام بخاری التاریخ الکبیر رواۃ عامہ امام بخاری التاریخ الصغیر رواۃ عامہ امام بخاری التاریخ الاوسط رواۃ عامہ امام ابن ابی حاتم الجرح والتعدیل رواۃ عامہ امام بخاری الضعفاء الصغیر ضعفا امام بخاری الضعفاء الکبیر ضعفا امام نسائی الضعفاء والمتروکین ضعفا امام عقیلی الضعفاء الکبیر ضعفا امام ازدی الضعفاء ضعفا امام ساجی الضعفاء ضعفا امام ابن حبان المجروحین ضعفا امام ابن عدی الكامل في ضعفاء الرجال ضعفا امام دار قطنی الضعفاء والمتروکین ضعفا ابن جوزی الضعفاء والمتروکین ضعفا امام ذہبی میزان الاعتدال ضعفا امام ذہبی المغنی فی الضعفاء ضعفا امام ذہبی دیوان الضعفاء ضعفا امام ابن حجر عسقلانی لسان المیزان ضعفا امام عجلی الثقات ثقات امام ابن حبان الثقات ثقات ابن شاہین تاریخ اسماء الثقات...